Davao City – Nagtaop pa ang kutsilyo sa likod nga bahin sa usa ka PUJ conduktor samtang misibat ang suspek nga nanunggab sa maong lalaki sa may Mc Arthur Highway Crossing Bayabas Toril District ning syudad.
Biktima naila nga si Antonio Jusay Asenita, 39 anyos, minyo residente sa may Purok 3 Interior Agton Toril District ning siyudad.
Suspek naila nga si John Benabise, 28 anyos adunay ka puyo-puyo ug residente sa dalang de Guzman Toril ning syudad.
Sumala sa report bandang alas 9:30 sa kabuntagon kagahapon midalikyat sa usa ka tindahan sa Crossing Bayabas Toril ang biktima ug kalit kini gidunggab sa likod nga bahin sa suspek sa makadaghang higayun.
Samdan sa walang bahin sa kamot ang biktma ug daling misibat sa wala matino nga dalan samtang ang biktima daling gidala sa balay tambalanan.
Kapolisan naglusad na og manhut opwraion aron nga madakpan ang suspetsado.
RadyoMaN Paul Canono
