Konduktor ug pasahero arestado tungod sa shabu

409

Davao City – Mokabat sa P16K kantidad sa shabu ang naharang sa Task Force Davao atol sa inspeksyon sa Sitio Licanan, Brgy Lasang, Bunawan District.

Namatikdan sa kasundaluhan nga kadudahan ang lihok sa usa ka pasahero sa Fiesta taxi.

Atol sa body frisking nasayran nga aduna kiniy gitago nga shabu sa iyahang bulsa.

Giila sa awtoridad ang suspek nga si Kurt Melendres Altiso, 28 anyos, residente sa Magugpo East, Tagum City, Davao del Norte.

Samtang dakpan usab sa Lasang Checkpoint ang konduktor sa van nga taga- Puntalinao, Banay-banay, Davao Oriental nga suspek nga si Mark Mahusay Romero, 27 anyos.

Nakuha sa suspek ang mobalor nga P1,800 shabu samtang sakay sa pampasaheruang van nga adunay rutang Panabo-Davao.

Priso na karon sa Bunawan PNP ang mga naarestong mga suspek kinsa gipasakaan na ug kasong may paglapas sa RA 9165.

RadyoMaN Aimee Guinita

Facebook Comments