Nisulod na usab sa pagkadriver sa usa ka car-hailing service si Konsehal Dave Tumulak.
Matud sa konsehal gisip niya kini nga paagi sa pagtabang sa mga pasahero nga matanggong sa traffic sa karsada ug way masakyan ilabi na panahon sa rush hour .
Matud ni Tumulak gawas nga nikita siya sa pagka-driver , makamonitor usab siya sa situwasyon sa kadalanan ug motaho dayon siya ngadto sa hingtungdang buhatan kung makamatikod ug mga problema sa karsada.
Alang ni Tumulak maayo nga trabaho ang pagka-driver ug ang iyang kita nakadugang pa sa iyang suweldo sa pagkakonsehal .
Gitug-an ni Tumulak nga nisugod siya sa maong sideline duha ka semana na ang nakalabay.
Apan iyang gitataw nga modala lang siya ug pasahero sa mga oras nga anaa siya sa karsada ug adunay lakaw ug dili lang panahon sa iyang oras sa trabaho.
