5:25 AM 21DEC2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 505 km Sidlakan Habagatang-sidlakan (East Southeast) nga bahin sa Hinatuan, Surigao del Sur ganihang 3:00 sa buntag. Ang LPA GAMAY ang tsansa nga mahimong bagyo.
Samtang ang gibantayang Bagyo (Tropical Depression) anaa sa gilay-ong 2,115 km Sidlakan (East) nga bahin sa Mindanao; kakusgong 45 kph; ug paglihok nga 20 kph Kasadpan (West) ganihang 3:00 sa buntag. Wala pa kini direktang epekto sa nasud apan posibling mo-sulod sa PAR karong Lunes (December 23).
Ang Northern Mindanao dili apektado sa Trough o extension sa LPA apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan tungod sa Easterlies.
Ang Easterlies mao ang init nga hangin nga naga-gikan sa Pacific Ocean nga gadala ug panganud nga posibling makapa-ulan sa mga lugar nga apektado niini.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) nga maoy mo-resulta sa 0.6 – 2.1 meters nga balud sa kadagatan sa Northern Mindanao.
Nagpabiling madag-umon sa Cagayan de Oro karong orasa.
Nagpabiling madag-umon sa Libona; Mampayag, Dahilayan ug Lindaban, Manolo Fortich.(Kining mga lugara maao ang tinubdan sa tubig nga makapabaha sa Lapasan paingon sa Bugo).
Nagpabiling madag-umon usab sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
