Padayong gisusi karon sa kapolisan sa Guihulngan City sa Negros Oriental ang pag-ambush ug pagpatay sa Konsehal sa syudad nga si Paolo Edison Dela Rita sa Sitio Looc Barangay Poblacion pasado alas 7:00 sa buntag .
Si PO3 Jordan Banderas sa Guihulngan City Police nibutyag nga gisusi nila kung wa bay kalabutan sa pagpatay ni Dela Rita ang unang insidente sa pag-ambush kaniya niadtong Hulyo sa 2017 diin naluwas ang konsehal apan ang iyang bodyguard napatay sa maong hitabo.
Matud ni Banderas , riding-in-tandem ug pulos naghelmet ang nag-ambush ni Dela Rita ug gidiklarar kining patay na pag-abot sa tambalanan .
Gitohoan nga padung nang mopauli sa ilaha si Dela Rita dihang giambush kini sa mga suspek
Kung kahinumduman sa unang higayon sa pag-ambush ni Dela Rita sa niaging tuig ,diin mga sakop sa NPA ang gitumbok nga suspek, nakalingkawas ra kini ug nakapangayo pa ug tabang sa kapolisan .
Apan dihang nirespondi ang kapolisan sa Guihulngan giatangan sila sa mga rebelde ug giambush hinungdan sa pagkamatay sa 6 ka pulis , apil na ang ilang hepe nga si Supt. Arnel Arpon , samtang tulo usab ang na-angol.
