Godod, ZDN – Human sa nahitabong pagpamusil didto sa silingan nga munisipyo sa Godod, ZDN dali nga naghimo ug operasyon ang kapulisan sa Leon B. Postigo sa pagpanguna ni PC/Insp. Manolo Echem didto sa brgy. Sta. Maria, LB Postigo.
Miresulta kini sa pagka sikop ni Norman Castillon, lumad nga taga Minglanilla Cebu ug Residente kini sa Biray, Dinas, Zamboanga Del sur.
Matod pa, ang naaresto nga suspetsado uban sa iyang kauban nga si Ricky Limbaga misakay kini sa ilang motorsiklo padulong sa Leon B. Postiga human sa ilang gihimo nga pagpusil patay kang Nilo Dahili, konsehal sa Brgy. Lomogon Godod sa Miaging Martes.
Ang biktima didto kini gipusil duol sa iyang pinuy-anan maayong pagka buho sa iyang agtang nga mao’y hinungdan sa iyang diha-diha nga kamatayon.
Sa wala usab ma dugay nasikop pud ang kauban niini nga si Ricky Limbaga human naghimo ug follow-up operation base na usab sa mandato ni PRO9 Dir. PCSUPT Emmanuel Luis D Licup.
Sa kasamtangan pormal na kining napasakaan na ug kaso ngadto sa piskalya.
