Davao City – Gipaboran sa Davao City Council Committee on Peace and Order Public Safety ang laing usa ka tuig nga lugway sa balaod militar dinhi sa Mindanao hangtud sa katapusan sa 2018.
Gi-uyonan ni 1st District Councilor Mabel Acosta ang padayon nga pagpailawom sa yutang saad sa balaod militar alang sa laing usa ka tuig nga lugway.
Una niini, gihangyo ni Presidente Rodrigo Duterte ang pamunuan sa Kongreso sa laing usa ka tuig nga extension sa martial law busa gilayon nag-convened ang mga magbabalaod aron matuki ang buot mahi-tabo sa pamuno-nasud.
Girason ni Acosta nga nagpabilin nag-ungaw sa hulga sa terorismo gumikan sa presensya sa mga teroristang grupo sama sa CPP-NPA-NDF nga posible muhimo og pag-atake sa pipila ka dapit sa Mindanao.
Panahon maaprobahan sa Kongreso ang laing usa ka tuig nga extension sa martial law hayan dili maglisod ang mga otoridad ug kasundaluhan sa paggukod sa mga terorista ug masanta ang ilang pagsabwag og terorismo sa yutang saad.
RadyoMaN Joel Viray
