Taliwala sa mga batikus nga naangkun sa mga sakop sa Sangguniang Panglungsod nga sumala pa mga tuta o itoy sa kasamtangang mayor sa dakbayan sa Butuan, anaa sumala pa sa above average ang ilang performance sa unang usa ka tuig sa 14th Sanggunian.
Kini ang gipahayag nila ni Konsehal Ferdinand Nalcot, ug ingon man Vice Mayor Joboy Aquino kalabot na sa mga butang nga nahimo sa konseho alayon sa programa sa bag-ong Mayor, Ronnie Vic Lagnada.
Angay masayran nga sa miaging eleksyun landslide and kadaugan sa TEAM RCL, nga walay bisan isa ka oposisyun nga nakasulod gamit ang propaganda nga Real Change Leader o RCL.
Apan pipila ka mga political observer nagkanayun, nga ang well-oiled nga campaign machinery ni Lagnada ug bilyon nga gasto sa eleksyon, pun an pa sa maayong political strategy mao ang naghatod kanila sa kadaugan.
Gihulagway ni Konsehal Nalcot nga nagtrabaho gyud ang Sanggunian sa pagpanday ug mga ordinansa’g resolusyon alang sa kalamboan kinsa maoy kaabag ni Mayor Lagnada sa paghatud sa kalamboan sa Butuan.
Gitutukan pag-ayu sa Konseho karon mao ang tranparensya sa tanang transaksyon sa City Hall aron dili kasulod ang korapsyon sa ilang pagdumala sa renda sa kagamhanan.
Kamatuoran pa niini mao ang gipasar nga ordinasan nga nagmugna sa “internal audit services” (IAS) nga gipangamahanan ni City Councilor Atty. John Gil Unay.
Pinaagi unya niini hayan nga malikayan na ang daghang mga audit observation sa Commission on Audit (COA) sa mga procurement sa city hall sama sa nahitabu sa nakalabyang administrasyon.
Giisip usab ni Konsehal Nalcot nga usa sa mga landmark legislation sa 14th Sanggunian ang nasangpit nga ordinansa.
Ang maong pagdepensa ni Nalcot sa konseho isip reaksyun usab sa batikus nga walay nahimo ang konseho sa problema sa basura, tubig, street children ug mga gangs, guba nga kadalanan ug talagsa ra makita nga mayor sa city hall, ug wala kini regular nga oras engagement sa mga katawhan sa Butuan.
Gani nabatikos usab ang mga konsehal nga sumala pa mga scholar ni RCL ug sunod sunoran sa mando sa mayor ug nawala ang pagka independent sa sangguniang panglungsod.
Sa interview, gipahayag usab ni vice mayor Joboy Aquino nga ang 4th Sanggunian usa ka working council, ug pagpamatuod niini ilang I publikar ang mga nahimo sa konseho pinaagi sa usa ka chart nga ibitay sa SP arun makita sa katawhan.
Virus-free. www.avast.com
