Nagpakanaog sa usa ka resolusyon ang Committee on Police, Fire and Public Safety ug Committee on Trade and Commerce atol sa ilang Joint committee Meeting sa city council kagahapon sa buntag.
Ang maong resolusyon ilang ipadala sa Luzon Brokerage Corporation kon LBC sa ilang Main Office sa Manila aron hangyoon ang top Management sa Corporation nga ilang i-level up ang ilang security measures labi na sa ilang mga LBC Branches dinhi sa Cagayan de Oro.
Ang maong resolusyon gipakanaog sa Committee ni Councilor Romeo Calizo ug George Goking human gi-angkon sa Area Manager sa LBC dinhi sa North Mindanao Area nga walay ilang security guard sa ilang mga LBC Branches dinhi sa Cagayan de Oro.
Matud ni Jacinto Bernados nga area Manager sa LBC North Mindanao area nga ang ilang corporation, andam mo-comply sa security measures nga gustong ipatuman sa city hall.
“if that the decision of this august body, wala mi mahimo kay that’s part of security being Implemented by the city as prevention to what ever crimes” matud ni Bernados.
Ang maong resolusyon, pormal nga gi-endorse ni Trade and Commerce Committee Chairman Councilor George Goking ug gi-aprobahan sa mga miyembro sa maong duha ka Committee.
Gusto ni Goking nga i-level up sa LBC top management ang ilang security measures silbing preventive measures sa tulis nga mahitabo.
Atol sa Joint Committee meeting, gi-angkon ni Bernados nga ang ilang mga LBC Branches dinhi sa Cagayan de Oro walay ilang security guard apan naay ilang Internal Security Measures.
“Kon duha sa among mga mga empleyado ang mag-duty ang akong Instruction usa kanila ang mogawas ug iyang tan-awon kon duna bay mga suspicious looking sa palibot Mr. chairman” matud ni Bernados.
