Nasa Phase II na ang konstruksyon ng Macañao Bridge sa bayan ng Luna, Isabela ayon sa Department of Public Works and Highways – Isabela Second District Engineering Office (DPWH-ISDEO).
Sinabi ni District Engineer Jose B. Tobias na kapag natapos na ang proyekto, makakatulong ito sa mga magsasaka na madaling maihatid ang kanilang mga pang-agrikulturang produkto sa merkado.
Ayon sa DPWH-ISDEO, pinapabilis nila ang konstruksyon ng naturang tulay na may Phase I actual accomplishment na 100% at nasa 21% naman sa Phase II noong Setyembre.
Ang Phase I ay natapos nitong Mayo ngayong taon habang ang Phase 2 ay kasalukuyan.
Ang tulay ay may habang 18 metro na pinondohan ng higit 38 milyon sa ilalim ng Special Road Fund Motor Vehicle User Charge (MVUC) para sa Phase I at Convergence and Special Support Program (CSSP) para sa Phase II.
Facebook Comments
