DAHIL maraming Pilipino ang minabuting manatili sa bahay para maging ligtas laban sa COVID-19, biglang tumaas ang medical consultations sa pamamagitan ng KonsultaMD app ng 256% para sa first half ng 2021.
Ang healthtech service provider ay nilikha ng Globe, anim na taon na ang nakalilipas upang bigyan ang bawat Pilipino ng abot-kaya at kumbinyenteng access sa medical services anumang oras nilang naisin.
Ang bilang ng mga user ay umabot ng isang milyon sa first half ng 2021.
Ang mga ito ay ang users na may 24/7 unlimited access sa licensed doctors via voice o video call sa halagang P60 lamang kada buwan.
“The pandemic propelled the growth of online health services and changed the way Filipinos interact with medical experts. People are afraid to leave their homes, hospitals are overcrowded, so the adoption of telemedicine has absolutely exploded. We set new all-time record highs every month,” wika ni Cholo Tagaysay, CEO ng KonsultaMD.
Aniya, ang teleconsultation ay tumataas sa tuwing may malaking pagtaas sa COVID-19 cases.
Nangyari ito noong March at April ngayong taon nang umabot ang infections ng hanggang 11,000 kada araw.
Gayunman, ipinaliwanag ni Tagaysay na kahit humupa ang COVID-19 cases, ang teleconsults ay patuloy na dumami.
Kaya naniniwala siya na ang pagkonsulta ng publiko sa isang doktor via voice o video ay mananatili kahit matapos ang global health crisis.
“What happens is people try KonsultaMD for the first time to check if they have COVID because they wanted to talk to a doctor immediately. But once they realize how easy, how convenient, how fast, and how affordable the service is, they start consulting for cases that normally won’t probably rise to the level of a hospital visit, such as a headache and stomachache,” aniya.
Hinihikayat din ng teleconsultation ang gawain ng pagkonsulta sa karamdaman habang maaga pa sa halip na hintaying lumala ito.
“Members can consult with doctors specializing in different fields — from general medicine, family medicine, obstetrics and gynecology, pediatrics, rehabilitation medicine, mental health support (counseling and psychotherapy), psychiatry, dermatology, ophthalmology, dentistry, ENT, and surgery,” ayon sa KonsultaMD.
Gayundin, ang KonsultaMD ay nagkakaloob ng digital management ng health consultation records at pag-iisyu ng medical documents tulad ng e-prescriptions, e-laboratory requests, e-referrals, at e-medical certificates.
Para sa karagdagang impormasyon hinggil sa KonsultaMD, bumisita sa www.konsulta.md.
