General Santos City—patay ang usa ka kontraktor human nga nahagbong sa gambalay nga gikontrata niini nga nahimutang sa Barangay Fatima Gensan.
Ang biktima nailhang si Renaldo Gallan, 54, contractor residenti sa Taal Road, Bangcal, Davao City.
Alas 10:30 ang takna sa buntag niadtong nakalabayng adlaw samtang anaa ibabaw sa gambalay nga iyaha sa usa ka negusyante nga si John Mark Disca, residenti sa Zone 2, Barangay Fatima ang nahisgutang kontraktor aksidenti kining nahagbong.
Didto milanding ang lawas sa biktima sa nakaparadang Toyata Fortuner, gumikan sa kusog nga impact, nakaangkon ang nahisgutan ug samad sa lawas. Gilayon kining gidala sa ospital apan gideklara kining dead on arrival.
Subay sa inisyal nga imbistigasyon sa Police Station 7, nasuta nga july 16 gisugdan sa nahisgutang kontraktor ang pagtukod sa maong gambalay. Siya gyud nagapangunay matud pa sa pipila nila ka trabaho. Dihang siya misaka sa taas nga bahin sa gambalay aksidenti kining nahulog.
Sa karon gidala na sa syudad sa Davao ang patayng lawas sa biktima samtang paayon usab ang gihimong imbistigasyon sa kapulisan kalabutan sa insidenti.
