Pagadian City – Kampante ang kontrobersyal nga si Rommel Aguilar nga makatunol siya sa iyang pyansa nga mokantidad sa 180,000 pesos sa kaso nga iyang giatubang nga Cybercrime.
Kini ang giluwatan nga pamahayag ni Aguilar atol sa interview sa DXPR kaniya human nasayran sa News Team nga nalutsan sa mandamiento de aresto og nadakpan si Aguilar.
Gisugid pa niya nga si Cpl Welito Nuena ang nisang-at og reklamo batok kaniya.
Gisulti usab ni PLt. Albert Leonardo, ang hepe sa Detective Management sa Pagadian City Police Station nga igo lamang nilang gipatuman ang mando sa korte nga dakpon si Aguilar subay sa balaod.
Mahinumduman nga si Aguilar maoy nagpa-uyog sa Zamboanga del Sur Medical Center diha sa Social Medical human iya kining gireklamo sa dili maayong pagtratar sa iyang kapikas nga hugot usab nga gipangulipas sa mga doctor.
Lakip usab nga nahimong kabahin sa isyu si Cpl. Nuena nga giakusaran ni Aguilar nga nangolata kaniya sulod Police Station.
