Davao City – Padayong nangayo karon ang otoridad og hugot nga kooperasyon gikan sa katawhan sa syudad sa Davao alang sa seguridad aron magpabilin ang kalinaw ug kahapsay sa lugar.
Sa pakighinabi kay Police Inspector William Catipay Jr., Patrol Leader sa 1105th Maneuver Company sa Regional Mobile Force Battalion kun RMFB XI atol sa tulumanong Serbisyong Straight to the Point, gibutyag niini nga bisan pa man responsive ang katawhan ngadto sa otoridad kinahanglan gihapon na magpadayon ang pag-alerto sa palibot ug kung adunay mamatikdang kadudahang tao ug butang i-report gilayon kini sa kapulisan aron maaksyunan.
Gawas usab sa tabang sa katawhan, padayon ang paglusad og Oplan Dabaw Kalinaw sa RMFB XI uban ang laing pang mga security forces ingon man paglusad sa mga checkpoint sa nagkadaiyang lugar sa syudad aron masigurong walay makalusot nga mga dautang elemento.
Alang sa mga dunay buot i-koordinar sa 1105th Maneuver Company sa Regional Mobile Force Battalion kun RMFB XI, mamahimong mutawag lang sa ilang 24/7 hotline nga mao ang 09104909477.
RadyoMaN Renz Barbarona
