Davao City – Kung miubos lang ang kaso sa COVID-19 dinhi sa syudad sa Davao dako ang posibilidad nga wala nay extension sa enhanced community quarantine kini maoy obserbasyon ni Col. Kirby John Kraft, City director sa Davao City Police Office.
Sumala ni Col Kraft nga ang rekomendasyon sa COVID Task Force nga lugwayan ang ECQ gibase usab sa daghang nadungag nga ihap sa mga nangatakdan sa corona virus lakip na ang mga nangamatay dinhi sa dakbayan ingun man sa tibuok rehiyon onse.
Matud pa sa hepe nga ang atong mahimo karon mao ang pag siguro nga tumanon sa publiko ang mga giya sa quarantine ingun man palapdan pa ang pagsinabtanay aron dili musamot nga magkabikos bikos ang atong kahimtang human nga gilugwayan ang ECQ dinhi sa syudad sa Davao.
“Mas mahirap po ang mararanasan natin kung patuloy na kakalat ang COVID-19. Kaya nga po kailangan po natin dito ay kaunting sakripisyo lang po at kooperasyon sa pagtupad po sa mga batas na pina iiral pa natin sa panahon ng COVID-19” gidugang ni Col Kraft.
RadyoMaN Erin Lumosbog
