Kooperasyon sa publiko sa COVID-19 response karong 2022 padayong gihangyo

Davao City – Gipasalamatan sa Davao City COVID-19 Task Force (TF) ang publiko sa kooperasyon sa City Government of Davao sa ginapatumang minimum public health standards batok Coronavirus Disease 2019 (COVID-19).

Bisan pa man karong Bag-ong Tuig, 2022, padayon gihapong ginapangayo sa Davao City COVID-19 TF ang tabang ug compliance sa publiko sa mga health protocols ilabina gyud ang pagpabakuna batok COVID-19 niadtong wala pa, aron hinay-hinay nga mabalik sa normal ang sitwasyon.

“Hopefully po magpadayon ang atong pagtinabangay. Magpapadayon ang atong disiplina, and magpadayon nga we will be able to achieve a much normalize life in 2022,” sulti ni Schlosser.

Gipasalamat usab ni Schlosser ang kanunay nga suporta sa Davaoeños sa lokal nga panggamhanan padulong na sa barangay level ug ang pagsaludo ilabina sa mga health care workers nga naga-atiman sa mga COVID-19 patients.

Anaa man ang posibilidad nga magbaton og surge sa COVID-19 cases tungod sa nakalabay nga holiday gatherings, apan gipaniguro sa health official nga andam ang lokal nga gobyerno sa Davao sa mga estratehiya ug kinahanglang himuon alang niini.

RadyoMaN Kirby Manzon