Kooperasyon sa ‘quake victims’ gipanawagan

16

Davao City – Nangayo karon og pagsabot ang lokal nga gobyerno sa Magsaysay, Davao del Sur sa mga residente sa lugar nga naapektuhan sa linog nga makigkooperar sa sitwasyon labi na sa pag-apod apod sa tabang kanila.

Sa interbyu sa DXDC RMN Davao kang Anthony Allada, information officer sa Magsaysay, gibutyag niini nga adunay mga reklamong gipaabot nga mas gi-una ang anaa sa mga evacuation centers kaysa sa mga residente nga anaa sa ilang balay nga mamahimo pang kapuy-an.


Gipasabot ni Allada nga mas gi-una ang anaa sa mga evacuation centers apan wala nagpasabot nga sila gipasagdan ug wala nakadawat og tabang.

“Ang amoang katuyuan dili na buot pasabot nga gi-neglect sila o gipasagdan. Syempre, giplastar lang sa nang sa evacuation area kay delicate kaayo na nga situation kung dili na nimo maplastar kay dili ra man pagkaon ang i-address ana,” saysay ni Allada.

Segun ni Allada, angay usab nga ilang i-address ang kahimtang sa panglawas, tubig mainom sa nahisgutan ug uban pa sulod sa evacuation centers.

Sa pagkakaron, gibutyag ni Allada nga plastado na ang mag biktima sa 10 evacuation centers sa lugar ug nahatagan na usab og tabang ang mga biktima nga wala namuyo sa maong temporary shelters.

RadyoMaN Kirby Manzon

Facebook Comments

From Advertisers