P900K shabu nasakmit sa drug surrenderee

15

Davao City- Arestado ang drug surrenderee nga si Reynante Felices Regis, 39 anyos nga taga-Toril ning siyudad sa gilusad nga drug buy-bust operation sa may Quimpo Boulevard,Davao City.

Ang maong operation gipangunahan ni P/LtCol. Noel Asumen sa Davao City Police Office Intel Branch.


Positibong napalitan ang suspek sa asset sa mga awtoridad og shabu.

Atol sa pagkadakop sa maong suspek nakuha gikan sa iya ang usa ka jumbo pack o gibana-banaang motimbang sa 50 gramos ug laing duha ka sachets sa shabu.

Sumala sa kapulisan nga mobalor sa P900,000 ang mga shabu nga nasakmit sa suspek.

Sa pagkakaron detinado na ang suspek sa DCPO.

RadyoMaN Paul Canono

Facebook Comments

From Advertisers