Davao City – Gilatag sa nagkadaiyang mga labaw sa mga security forces ang ilang mga concerns ug accomplishments sa ilang mga areas of responsibilities atol sa gipahigayong Davao City Safety, Order and Security Summit karong adlawa.
Sa interbyu sa DXDC RMN Davao kang Public Safety and Security Command Center chief Ret Gen. Benito De Leon nga tumong niini aron mas mapalig-on pa ug mapakusgan ang koordinasyon sa mga security units uban ang mga opisyales sa barangays.
Gihisgutan atol sa naasoy nga summit ang Anti-Drug Operations sa PDEA XI, Maritime Security sa Philippine Coastguard District South Eastern Mindanao, Anti-Terrorism Operational Approaches sa Task Force Davao, Davao City Anti-Criminality Program and Ronda Patrol Program for Barangay Tanods sa Davao City Police Office, Internal Security Operatiobs sa 1003rd Brigade ug Law Enforcement Campaign Plan sa Police Regional Office XI.
Ang PSSCC maoy nanguna niini nga aktibidad subay usab sa mga insidenteng pagpangataki sa mga terorista sa Mindanao aron subling tukion ang pagpaimprobar sa seguridad aron dili kini malutsan sa mga dautang elemento ug magpabilin luwas ug malinawon ang lungsod.
RadyoMaN Aimee Guinita
