Davao City – Gireklamo sa usa ka internet cafe attendant ang usa ka Korean national human kini nakaguba og PC screen monitor sulod sa iyang gitrabahuan.
Base sa rekord sa Talomo PNP ang complainant mao si Beverly dela Torre Tanduyan, hamtung ang pangidaron samtang ang Korean national mao si Gyewan Kim, 19 anyos, estudyante nga kasamtangang nag puyo sa Woodrige Ma-a ning syudad.
Sumbomg sa complainant nga bandang alas 6 pasado sa gabii diha sa usa ka internet shop sa may Mc Arthur Matina nag internet ang maong langyaw sa dihang iyang nakalalis ang iyang katupad sa lingkuranan nga iyang kadula.
Nakuratan matod pa ang complainant sa dihang dunay mipaka sa gilingkoran sa respondent ug sa pagsuta buak na ang screen monitor human nga gibundak niini ang iyang ulo.
Mokantidad sa 18 mil ang maong gamit ug buot sa complainant nga pabayran sa maong Koreano.
Ang kaso gi refer una sa investigation section sa Talomo PNP.
RadyoMaN Paul Canono
