Nagapadayon ang ila nga imbestigasyon sa kaso nga pagluthang kay Maam Normina Pangilan Pahm, 55-anyos, Asst. Regional Director for Admin Services sang DOST 12, suno kay PLtCol. Joedy Lito Guisinga, Chief of Police sang Koronadal CPS.
Pahayag ni PLtCol. Guisinga nga padayon ang ila nga pagsikyar sa mga CCTV footage sa lugar nga makabulig sa ila nga imbestigasyon.
Sa subong suno kay Guisinga may ginalantaw na sila nga motibo sa insidente kag handa naman suno pa nga magkooperar sa ila imbestigasyon ang biktima kag pamilya sini.
Nahibaluan nga nagahulat ang biktima upod ang duha pa ka kaupod sa trabaho sang ila salakyan nga magsugat sa gwa sang ila nga apartment sa Blk. 1 Mabini St, Brgy. Zone 4, Koronadal City, pasado alas 7:00 kahapon sang aga sang isa ka wala nakilal-an nga suspek nagasuksok sang black polo kag black pants ang nagtiro sang makaduha ka bes sa biktima.
Nakaangkon sang pilas sa iya nga abaga nga gilayon naman nga gindala sa ospital kag yara na sa maayo nga kondisyon.
Gilayon naman nga nagpalayo ang suspek sa wala nahibaluan nga direksyon.
Narekober naman sa crime scene ang duha ka basyo kag isa ka slug.
