Naglab-ot na sa onse ang narekord nga motornapping incident sa syudad sang Koronadal subong pa lang nga bulan sang Enero.
Ini ang ginkumpirmar ni Police Supt. Ronald Allan Peñaverde, Chief of Police sang Koronadal City PNP.
Dugang pa nya may ginatutukan na sila nga grupo apang aminado sya nga blangko pa sila tubtub subong sa identity sang mga suspetsado sa rason nga indi manami ang kuha sa CCTV sa insidente dugang pa nga nakatabon ang nawong sang mga suspetsado.
Nanindugan naman suno pa si Peñaverde nga may ginahimo sila sa subong para matapna ang nasambit nga kaso paagi sa pagpangdakop sa mga motorsiklo nga wala sang plaka nga ila masiplatan sa dalan bangud nagapati sya nga posible ini ang ginagamit sa mga kriminalidad.
Madumduman nga may 69 ka kaso nga narekord sang motornapping ang syudad sang koronadal sang nagligad nga tuig 2017.
