Koronadal City — Way undang ang monitoring ug operasyon sa Koronadal City PNP batok sa mga sugarol sa maong syudad.
Sumala ni Police Lt. Sotelo, Deputy Chief Of Police sa Koronadal PNP nga mas gipahugtan pa nila nag ilang kampanya batok iligal nga sugal ug dakong tabang matud pa ang impormasyon nga ginahatag sa publiko sa ilang kampanya batok iligal nga sugal.
Gibutyag usab sa opisyal nga wala silay paboran sa ilang kampanya batok iligal nga sugal u gang madakpan ila gyud nga kasuhan.
Apil sa mga ginamonitor sa Koronadal PNP ang mga padula nga adunay pusta sama sa billiards ug basketball pati na ang mga pasugal sa lamay.
Ang kampanya sa iligal nga sugal subay na usab sa mando ni Pangulong Rodrigo Duterte ingon man sa labaw sa kapulisan sa nasud.
