GENERAL SANTOS CITY – Nangayog tabang sa kwerpo sa kapolisan sa Lagao ang Koreano nga seaman nga matod pa gikawat ang iyang pitaka na dunay unod dul-an 50 mil pesos ang balor sa salapi human nigamit og guest relation officer sulod sa gi-check in nga hotel niaging gabie.
Kahibaw-an nga nahimong suki na ang seaman nga Korean national gibansagan sa pangalang Bong sa hotel nahimutang sa National Highway sa Lagao matag dunggo sa dakbayan sakay sa Korean Fishing vessel.
Niadtong tungang gabie sa nakalabay nga adlaw gibisita matod kini sa babayeng ginganlan og Rio apan paggawas sa kwarto sa hotel nakuratan ang koreano nga nahanaw na ang iyang pitaka.
Nakit-an niini ang lalaki ginganlan og James nga kaila ni Rio og didto narekober sa iyaha ang 49 mil pesos nga salapi sa managlahi nga foreign denomination.
Gidala sa presinto ang maong lalaki apan ang babaye wala na makit-an.
Wala na sad nagpasaka og reklamo ang langyaw nga seaman batok sa lalaki human nabawi ang iyang salapi.
For more info’s and updates, like and share our official facebook account : www.facebook.com/ifm91.9Gensanofficial/
