Davao City-Na dismiss na ang kasong robbery-extortion ug violation sa R.A 3091 nga gi-file sa National Bureau Investigation kun NBI XI batok sa pulis nga nga si Police Corporal Renald Aballe kinsa giakusahang nangilkil sa mga nagasugal.
Sa Interbyu sa RMN Davao kang Police Master Sergeant Rechie Paul Lozano ang imbestigador sa San Pedro PNP nga nakadawat sila og resolution gikan sa Prosecutor’s Office kabahin sa pagka-dismiss sa kaso sa maong pulis.
Matud ni Lozano nga subay sa resolution nga kulang ang mga ebidensya sa gipasaka nga kaso ngadto sa piskalya.
Gikalipay usab ni Aballe ang pagka dismiss sa iyang kaso human nahinabi sa Team sa Rmn Davao.
Gidugang ni Aballe nga dili tinuod ang maong pasangil ug walay kamatuoran nga nalambigit sa kotong.
Giingon ni Aballe nga wala pa siyay plano kun mu-counter affidavit or mu-file ba siya og kaso batok sa NBI X1.
Sa pagkakaron si Aballe ang anaa pa nakadestino sa Davao City Police kun DCPO ug na-assign isip usa ka lobby guard.
RadyoMan Don Pulayao
