Davao City – Gilayong gidala sa ospital ang driver sa usa ka kotse (sedan) human kini aksidenteng nahagbong sa lawom nga bahin daplin sa karsada sa Purok 2, Barangay Cadunan, Mabini, Davao de Oro pasado ala 1:00 sa hapon kagahapon, Enero 26, 2024.
Sa interview sa DXDC RMN Davao kang PMSg. Rolando Razonable, imbestigador sa Mabini Police Station (MPS), nakuha ang inisyal nga identity sa biktima nga mao si Makmak Erong.
Saysay sa imbestigador nga gikan sa Tagum City, Davao del Norte ang sakyanan ug pag-abot sa maong lugar, kalit matud pa kining nawad-an og kontrol ug didto na kini nilahos sa balay nga miresulta usab sa pagkadamyos sa tindahan nga bahin sa balay.
“Ang biktima gikan sa Tagum padulong sa Mabini. Na-lose control siya,” sulti sa pulis.
Walay gika-report nga casualty atol sa pagpangga sa sakyanan diin sa pagkakaron, padayon pang giimbestigahan sa kapulisan ang insidente diin wala usay laing sakyanan nga na-involve sa panghitabo.
RadyoMaN Kirby Manzon
Facebook Comments
