Nasa maayos nang kondisyon ang pamilyang nasangkot sa pagkahulog ng sinasakyang kotse sa isang bahagi sa Villa Verde Trail, Brgy. Sta. Maria East, sa bayan ng San Nicolas.
Pauwi na sana ang pamilya nang bigla umanong hindi gumana ang preno ng sasakyan.
Sa panayam ng IFM News Dagupan sa San Nicolas Police Station, nakatakdang iangat ngayong araw ang sasakyang nahulog dahil may kalaliman umano ang pinagbagsakan ng kotse.
Samantala, tiniyak ng himpilan na may mga nakadeploy na mga kawani sa bahagi ng Villa Verde Trail para sa agarang pagresponde sa anumang insidente, maging sa mga pook-pasyalan sa bayan tulad ng Brgy. Malico upang mapanatili ang kaligtasan ng mga bumibisita. |𝙞𝙛𝙢𝙣𝙚𝙬𝙨
Facebook Comments
