Daghan ang na-shock sa balita nga usa na sab ka Kpop star ang nagpakamatay. Nag-suicide si Choi Jinri o mas nailhan sa iyang stage name nga si Sulli tungod sa cyber bullying ug depression. Ubay-ubay sab ang mga nagpaabot og pahisubo labaw na sa fans sa maong Kpop star/actress sa tibouk kalibutan. Si Sulli usa ka former member sa F(x).
Sa edad nga 25, naabtan na lang kini nga wala na’y kinabuhi sa iyahang apartment sa Seoul, South Korea. Base sa report, mismong manager ni Sulli ang miadto sa iyahang apartment tungod wala na kini mitubag sa iyahang mga tawag, naabtan na lang sa iyahang manager nga patay na ang dalaga. Dali dayun kini nakatawag og kapulisan tungod nasab sa grabeng kahadlok nga iyahang nakita.
Giingong giila si Sulli isip controversial ug outspoken tungod sa iyahang mga braless post sa social media. Sukad nagsugod ang pagbash sa kpop star, wala na kini giundangan pa sa mga bashers hinungdan nga mas grabe pa ang iyahang nabati nga depression.
Aside sa iyang singing career mibidia usab si Sulli sa mga Korean drama series.
Sa mga panahon nga nag-suffer pa kini sa depression, nagapaabot kini’g mensahe sa iyahang social media. ”I’m not a bad person. I’m sorry”.
Usa ang depression sa mga hinungdan nganong ubay-ubay sa mga kabatan-unan karung panahona ang nagpakamatay, usa kini ka sakit nga kinahanglan matagad dayun ug kinahanglan ug atensyon.
