Krimen sa Bukidnon niubos sa 22% gikan sa Marso hangtod Oktubre ning tuiga kumpara sa 2019

44

Gipresentar ni PNP Bukidnon Provincial Director Police Coronel Roel L. Lami-ing sa Sangguniang Panlalawigan ang kahimtang sa kahusay ug kalinaw sa kasamtangan sa Probinsya sa Bukidnon.

Gipakita usab ni PD Lami-ing ang Comparative Crime Statistics nga sa Marso hangtud Oktubre 2019, miabot ngadto 1,434 ang natala nga krimen, samtang sa Marso hangtud Oktubre 2020 anaa na lamang 1,117 diin 22% ang pagnaug niini o naminusan kini ug 317.


Sa Marso hangtud Oktubre 2019 nag-una ang kasong murder nga adunay 107 ka kaso ug gisundan sa rape nga adunay 88 ka kaso.

Samtang sa Marso hangtud Oktubre 2020 nag-una gihapon ang mga kasong murder nga adunay 77 ug rape nga adunay 73 nga natala.

Samtang sa Comparative Non-Index Crime, mokabat ngadto sa kinatibuk-ang 709 ka kaso ang natala sa Marso hangtud Oktubre 2019 diin nag-una ang kaso sa R.A 9262 o Violence against women and their children nga adunay 124 ka kaso kompara sa 742 ka kaso nga natala sa Marso hangtud Oktubre 2020 diin nag-una niini ang illegal drugs nga 179 ka kaso.

Sa Comparative Public Safety Index adunay natala nga 287 nga vehicular Accident/Reckless Imprudence Resulting (RIR) sa Marso hangtud Oktubre 2019 kompara sa 139 sa Marso hangtud Oktubre 2020.




Facebook Comments