Niubos karon ang krimen sa Cagayan de Oro.
Kini ang gipasigarbo ni Cagayan de Oro City Police Office o COCPO Spokesperson Mardy Hortillosa.
Matud ni Police Supt. Hortillosa na basi sa record sa COCPO nga ang krimen sa syudad sama sa krimen batok sa tawo ug sa kabtangan miubos kaayo sa 2018 kumpara sa 2017.
Ang krimen batok sa tawo sa 2017 mitala sa 304 nga gibahinbahin kini sa Murder-14, Homicide-5, Physical-254 ug Rape-31.
Kumpara sa 2018 nga mitala og 236 nga krimen nga gibahin bahin kini sa Murder-15, Homicide-6, Physical Injury-146 ug Rape-68.
Samtang ang krimen batok kabtangan sa 2017 mitala sa 1090 nga gibahin bahin kini sa Robbery-267, Theft- 759, Carnapping-9, Motonapping-55 ug ang krimen sa 2018 mitala sa 305 lamang nga gibahin bahin kini sa Roberry-79, Theft-197, Carnapping-0 ug Motornapping-29.
Sa maong record, makita nga miubos kaayo ang krimen batok sa kabtangan ug tawo sa 853 ilabina sa krimen batok sa kabtangan nga miubos og 785 ka krimen.
Gidugang ni Hortillosa nga kini nagpasabot lamang nga ang COCPO usa sa mga nakatabang nga ang Police Regional Office 10 ang nanguna nga rehiyon nga miubos ang krimen sa tibuok Pilipinas.
