Matod ni DCPO Spokesperson Police Captain Hazel Tuazon nga nag-una sa krimen sa dakbayan mao ang robbery human natala ang 28 ka kaso ug 21 sulbad na, samtang 5 cleared, ug 1 pa ang under investigation.
Samtang nagsunod sa krimen ang theft human natala ang 29 ka kaso ug 26 niini sulbad na, samtang 3 cleared na sab.
Nag-una ang mga area sa San Pedro PNP, Bunawan PNP, Ecoland PNP, Talomo PNP, ug Toril PNP sa dunay daghang kaso sa robbery ug theft karong tuiga.
Suma ni Tuazon, nahitabo ang pinakadakong robbery sa area sa Talomo PNP kung asa malampuson ang wala mailhing mga suspek sa pagransak sa NCCC Choice Mart sa may Puan ug gilimas ang dakong kantidad.
Sigun ni Tuazon, milusot ang mga suspek sa gibangagang imburnal paingon sa establisimiento diin padayon pa ang gi-imbestigahan istigasyon sa mga otoridad sa maong panghitabo.
Hinoon, wala na gisulti sa opisyal kon organized crime group ug taga-Davao City ba ang mga mitira sa NCCC Choice Mart.
RadyoMaN Joel Viray
