Krimen sa Davao Region mius-os karong tuiga sumala sa PRO XI

141

Davao City- Gipasigarbo sa Police Regional Office XI nga miubos ang crime volume, index crime ug non-index crime sa rehiyon onse kung itandi sa milabayng tuig.

Atol sa AFP PNP Press Confererence gikanayon ni PRO XI acting spokesperson PSI Catherine Dela Rey nga dakong epekto ang mas gipakusgang kampanya sa kapulisan kontra iligal nga droga ug intensified police operations hinungdan nga miubos ang ihap sa krimen dinhi sa Davao region.

Ang panagtandi gibase sa miaging tuig buwan sa Enero hangtod Mayo.


Ang crime volume sa tuig 2016 adunay 11,650 nga mga kaso samtang ang 2017 nakatali og 9, 053 sa giusa nga datos sa index ug non index crime, nunot niini miubos sa dul an 27 % kon dul-an 2,600 nga mga kaso ang pagubos sa crime volume karong tuiga.

Segun ni PSI Dela Rey nga ang tulo ka mga nagpabiling nagunang pinakataas og natala nga krimen dinhi sa rehiyon onse mao ang kawat nga dunay 656 ka mga kaso, gisundan sa pisikal nga kadaot nga dunay 585 ka mga kaso ug pagpangawat nga dunay 339 ka mga kaso.

Kasamang Aimee Guinita



Facebook Comments