General Santos City—Sikop sa operatiba sa Police Station 2 ang usa ka Julius Bryan Mondragon, legal age, kristo sa sabungan, residenti sa Purok Cawa, Barangay West, atol sa gilusad nga buybust operation nga gipahigayon sa Purok Maunlad, Phase 2, Barangay Apopong, Gensan kagahapong adlawa.
Nasikop ang nasampit human kining napalitan ug usa ka sachet sa gituohang shabu gamit ang P1, 000.00 nga Marked Money.
Sumala ni Police Major Ananiaz Vasquez, Hepe sa Police Station 2, dugay na matud pa nilang gipanid-an ang suspek human nga migawas ang pangalan niini sa mga nalambigit sa iligal nga droga.
Gibutyag usab ni Police Major Vasquez nga ayha nahitabo ang buybust operation tulo matud pa ka higayon nga ilang gipahigayonan ug test buy ang suspek.
Ug dihang nagpositibo gilayon sila nga naglusad ug operasyon. Sa karon giandam na ang mga dukumento sa pagpasang-at ug kasong kalapasan sa RA 9165 batok sa suspetsado.
