Sapian, Capiz – Kritikal kag padayon nga ginabulong sa Western Visayas Medical Center sa syudad sang Iloilo ang isa ka lalaki matapos ini ang ginluthang gamit ang 12-gauge shotgun sa Sitio Bangkal Brgy Maninang, Sapian, Capiz.
Ginkilala ang biktima kay Ponciano Otucan y Rebaño, 41-anyos ang pang-edaron nga nag-angkon sang pilas sa iya ulo. Ini ang ginbantayan kag ginluthang sang suspek nga si Manuel Opher Jr. y Villas samtang nagapadulong sa iya gintagbong nga lambat sa pagpangisda.
Nagaguha sa inisyal sang imbestigasyon sang kapulisan nga ginpasibangdan sang suspek ang biktima nga ini ang nag-utod sang lambat nga ginagamit sang suspek sa pangisda.
Ginsiling sang asawa sang biktima nga wala nila ginsapak sang nakabati ang mga ini sang lupok kag sang ulihi na lamang nahibaloan sang anak sini nga ang iya gali nga mister amo ang naluthangan sang suspek.
Sa subong padayon pa nga atlarge ang suspek samtang narekober naman snag kapulisan ang baseyo sang 12-gauge shotgun kag motorsiklo sini nga ginsakyan padulong sa Brgy Matagnop Dao, Capiz.
Samtang panawagan naman sang pamilya sang biktima sa suspek nga kun mahimo mag-surrender na lamang ini sa mga kapulisan agud nga masabat ang iya ginhimo nga krimen.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
