Daling naaresto sa kapulisan ang 2 ka mga suspects kinsa illegal nga nagkarga ug 4,500 liters sa premium gasoline ug 1,500 liters sa diesel atol sa gimuntar nga checkpoint sa Barangay Sta. Cruz, Placer, Surigao del Norte.
Giila ni Police Brigadier General Joselito T Esquivel, Jr, sa PRO13 nga ang mga naaresto ang nailang sila Jongle Lulab Garong (driver), 24 anyos, Jimboy Exclamador Nituda (crew), 31 anyos ug pulos residente sa Purok 8 Brgy. San Pedro, Alegria, Surigao del Norte.
Sumala pa nga atol sa gipahugtang checkpiont sa PNP naharang sa mga personahe sa Placer Municipal Police Station kauaban anh Surigao del Norte 2nd Provincial Mobile Force Company ang elf truck nga loaded sa 198 gallons sa petroleum products.
Nasuta nga ang nakumpiskang lana, gikan ug napalit sa 3’G Gasoline Station sa Barangay San Pedro, Alegria, Surigao del Norte ug nakatakdang pagadalhon sa Dinagat Islands.
Ang 2 ka suspects ang mag atubang sa kalapasan sa Presidential Decree Number 1865 Amending Batas Pambansa Blg. 33, Entitled “An Act Defining and Penalizing Certain Prohibited Acts Inimical to the Public Interests and National Security Involving Petroleum and/or Petroleum Products, Prescribing Penalties Therefor and for Other Purposes” kinsa pulos gikustudiya karun sa Placer MPS (with report sasie babar/ivy falcone).
