*Alma R. Santiago*
Tungud sa inspirasyong nabati ug nakab-ot sa batang atleta nga si Crislyn Grace Antecristo,lain na usab nga kumpetisyon ang pagasalmutan sa KSK runner karung umaabot Marso 11 diin usa ka International Invitational Marathon ang pagaapilan nga magdala sa ngalang “ KSK/RMN DXDR- Dipolog nga ipahigayun sa Victoria Plaza sa lunsod sa Davao.
Ang nasangpit nga kumpetisyon pagasalmutan sa nagkalain-laing mananagan gikan sa nagkalain-laing nasud busa nadasig ang batang Dipolognon nga triplehon pa ang pagpangandam.
Sigun sa Coach ni Antecristo nga si Mariolito “ Tolitz” Wenceslao ,sa 5K Marathon kategorya lamang ang naapilan ni Antecristo tungud kay mao lamang kini ang kategorya nga haom sa iyang idad.
Mapasalamatun ang coach sa tanang niayuda pinansyal sama sa mga miyembro sa konseho sa Barangay Galas nga gipangunahan ni Hon. Elmer B. Vallercer nga misalu sa pamiliti padulong ug pagbalik sa pagsalmot sa maong kumpetisyon.
Si Madam Vertex Trio sa dugang ayuda ug sa umaabot nga ayuda gikan sa kagamhanang lokal sa dakbayan sa Dipolog nga gipanguluhan sa maabtik nga Mayor, Hon.Darel Dexter T. Uy.
Matud pa sa batang mananagan, inspirado syang ipadayun ang iyang mga damgo tungud kay nakita niya nga wala siya biyae sa “Kabantog sa Kabataan” nga andam ug tagana nga mangita ug mga sponsor sa tanan niyang mga kumpetisyon.
Dugang pa sa batang atleta nga pangandoy niya nga mamahimung iladong atleta sa natad sa dagan nga usa ka Dipolognon arun mailado ang syudad pinaagi kaniya sa tibuok nasud sa kalibutan
