CEBU CITY – “Alas 6 sa buntag man ko kasagaran magsugod og suroy sa akong mga kakanin. Mao ni akoang buhat kada adlaw. Way holiday2x ug pahuway2x lage kuya. Ang halinon kay biko, puto cheese, budbod, bibingka ug palitaw. Akong ante maoy tigluto ani tanan. Napo katuig naman ko ani namaligya kay sa akong mahinumduman sais anyos gud ko katong gasugod kog baligya og mga kakanin ug uban pang miryenda nga pang Pinoy.” Mao ni ang ge-ingon ni Beboy (dili tinuod nga pangan) diri sa akoa katong nangutana ko niya kabahin sa iyang kinabuhi ug unsay sinugdanan sa iyang pagpanuroy og mga kakanin.
Sa dihang nakahibaw ko kabahin sa iyang storya, nakahunahuna dayon ko og butang ani sa facebook. Mihangyo intawn siya nga di lang magpost sa iyang mga photos ug di lang isaba iyang storya. Peru kay namugos man gyud ko, mao to nga mitugot nalang pud siya nga ipanabi naku iyang kakugi ug paningkamot sa social media.
Ako pud siya gesultian kabahin niining atoang RMN website. Gekataw-an man nuon ko niya. Unsa kuno nang website.
“Wa man ko katiwas og elementary kuya gud. Mag grade 5 na unta ko peru gepili gehapon naku ang pagpanuroy aning kakanin. Karon kay mokita ko og 900 hangtud 1,000 pesos matag adlaw sa akoang 3,000 pesos nga capital. Mobisita ko og lainlain nga mga tindahan ug opisina sa may Gorordo ug Escario kada adlaw. Tag alas 4 naku sa hapon mahuman gud og pamaligya. Muabot og mga diyes oras kong mamaligya ug makig sales talk.”
Dugang pa niya nga ganahan gyud niya mahuman og college apan mahadlok lang siya kantsawan sa eskwelahan. Namatay iyang mama Nobyembre sa miaging tuig tungod sa bone cancer. Kinamanghuran siya sa upat ka managsuon ug naa siya nagpuyo kauban sa iyang papa sa may Barangay Lahug ning siyudad sa Sugbo. KUDOS, Dong Beboy!
(CEBU CITY – “I usually start peddling “kakanin” in the streets as early as 6:00 am. I do it every single day. No holidays and rest day for me kuya. My best sellers are biko, puto cheese, budbod, bibingka and palitaw. Everything are being cooked by my aunt. I have been peddling for 10 years now. And I remember I was 6 when I started selling “kakanin” and other popular Filipino snacks.” This is what Beboy (not his real name) told me when I started asking him about his life and how he came to be a “kakanin” peddler. When I learned about Beboy’s story, I thought of sharing it right away on social media. But he requested from me not to post any of his photos and keep his story a secret. With my convincing skills, he later on agreed of sharing his story of hard work and persistence on social media. I told him about the RMN website. He laughed at me and asked what is it about. “I did not finish elementary kuya. I am supposed to be a grade 5 student but chose peddling over studies. Now, I earn 900 to 1,000 pesos a day from my capital of 3,000 pesos a day. I visit different establishments along Gorordo Avenue and Escario Street. I work until 4:00 pm every day. So, that is 10 hours of hard work and sales talk daily.” He added that he wanted to finish college but afraid of possible bullies in school. His mother passed away last November 2016 due to bone cancer. He is the youngest among the 4 siblings and stays with his father in Barangay Lahug, Cebu City. KUDOS, Dong Beboy!)
