Kuliglig driver muerto na tiro

8

Muerto el un kuliglig driver despues de rega conele de bala el disuyu mismo besinos.
El soseso ya sosede na Para gas Drive, na Talon-Talon serca man alas 4 este tarde.
El victima amo si Arnold Agustin Aguado,29, de Hawaii Drive, Talon-Talon.
Ya sistene le cuantos tupada de bala na su cuerpo y na prente.
Asegun ta maneha le consu kuliglig cuando ya hace lagas conele el dos persona muntao na motorsiclo quien ambos besinos lang disuyu.
Hasta ya guinda sila na punta del Paragas Drive donde ya man bombyahan pa estos.
Cuando ya aranca pistola el uno del dos, ya entabla si Aguado perro ya sopla de tiro conele.
Masquin tiene tupada de bala ya pwede pa corre si Aguado pero ya hace tambien conele lagas el dos y ya continua conele rega de bala y cuando a tumba le ya tira pa conele unabez na prente.
Na ataranto del maga suspechao ya eskapa estos pero ya queda el destos motor serca onde ya tumba si Aguado.

Facebook Comments