General Santos City—sama sa gihatod ra sa kanhing Kumander sa grupong Ilaga ang iyang kaugalingon sa Criminal Investigation and Detection Group, sunod sa Camp Fermin Lira aron dakpon gumikan sa duha ka kasong iyang giatubang.
Alas 11:30 ang takna kaganinang buntag dihang nahidangat si Norberto Manero Jr., Alias Kumander Bucay, kanhing lider sa grupong Ilaga sa buhatan sa CIDG-12 gumikan aduna kini gi-follow-up nga dukumento.
apan siya gidakop tungod sa iyang standing warrant of arrest sa kasong Murder ug Frustrated Murder nga gipagula niadtong tuig June, 2010.
Sumala ni Police Supt. Elmer Guevara, OIC Regional Chief sa CIDG-12 nga sa nakalabayng bulan gihatod sa ilang buhatan ang warrant of Arrest ni Manero sa duha niya ka mga kaso.
Gikatakda na usab unta nila ang operasyon batok sa nahisgutan apan tungod mismong si Manero na ang nahidangat sa ilang buhatan, ila nalang kining gisikop.
Si Manero ang una nang nahukman ug silot kamatayon (reclusion perpetua) human usa kini sa suspek sa pagpatay sa usa ka Italyanong pare niadtong tuig 1985, apan nahatagan ug parol niadtong tuig 1999 ilawom sa administrasyon ni Pangulong Joseph Estrada.
Human niini nalambigit pa sa uban pang mga kaso ang nahisgutan ug pabalik-balik sa prisuhan.
Human na served ang warrant of arrest sa suspek gilayon man kining gi-commit sa Gensan City Reformatory Center.
