General Santos City—- Boluntaryong mitahan sa ilahang kaugalingon ang duha ka miyembro sa rebeldeng New People’s Army ilalom sa Guerilla Front 72 sa Far South Mindanao Region alas 10:30 ang takna sa gabii, milabay’ng Marso 2.
Giila ni Police Chief Inspector Aldrin Gonzales, togpamaba sa Police Regional Office 12 ang mga nahisguitan nga silang Betong Guialodin Dalumatan alyas Kumander Tukay, 45 anyos ug igsuon niining si Ruben Guialodin Dalumatan, 41 nayos nga susamang miyembro sa maong grupo.
Sumala pa nga ang duruha ang mitahan sa ilahang kaugalingon sa hiniusang pwersa sa Columbio Municipal Police Station, Regional Mobile Force Battalion 12, 29th Infantry Battalion Ug 72nd Infantry Battalion.
Dala nila ang usa ka unit sa caliber 7.62 mm m14 nga adunay magazine, duha ka caliber 357 revolver nga adunay mga buhing bala ug usa ka unit sa caliber 30 garand rifle nga aduna usab mga buhing bala.
Ang duruha ang adunay standing warrant of arrest sa kasong murder, frustrated murder ug robbery kung asa anaa na sila sa kostudiya Sa Columbio Municipal Police Station aron nga atubangon ang ilahang kaso.
