General Santos City—Gihingusgan karon ni Municipal Trial Court In Cities Gensan Hall of Justice Hon Judge Ellengrid Baliguat nga angayang kasuhan og gukdon sa kapulisan ang giingon may mga namonitor silang mga gun for hire o may responsabli sa sunod sunod nga pagpamatay sa General Santos.
Dugang pa ni Hon Judge Baliguat nga kung tinuod man ang giingon sa PNP nga may gun for hire sa Gensan ang posibling makaapikto kini sa peace and order sa siyudad og angayang muhimo sila og lakang nga masikop og maundang ang maong grupo.
Dili matud pa kinahanglan nga i-shortcut sa ni bisan kinsa ang Justice system kon hustisya sa Pilipinas. Samtang kampanti si Gensan City Vice Mayor Shirlyn Bañas Nograles sa mga nahimong gipamahayag ni Gensan City Police City Director Ruel Berango nga mabarugan niini ang iyahang mga gihimong kompermasyon sa Media nga adunay Gun For Hire nga naglihiok sa siyudad.
Usa sa mga himuong lakang sa Bise Mayor ang pagpanday og balaudnon nga magdili sa tanang mga motorista nga magsuot og helmet sa sentrong bahin sa Gensan. Sa pagkakaron ginapaabot na lamang ni Vice Mayor Shirlyn Bañas Nograles ang isubmitar nga report sa kapulisan may kalabutan sa sunod sunod nga pagpamusil sa Gensan nga matud pa sagad kahimuan sa mga riding in tandem criminals. (Kasamang Emir Bariquit)
