Daku gihapon ang pagsalig ni PRO-6 Director Chief Supt. John Bulalacao sa mga kapulisan sa Western Visayas.
Ginakabig ni Bulalacao nga isolated lamang ang paglawag ni Presidente Rodrigo Duterte sa 5 ka pulis sa Bacolod nga involve sa iligal nga droga kag ang kontrobersiya sang Regional Drug Enforcement Unit matapos ang raid nga ila ginlunsar sa pamilya Regalado sang nagligad nga tuig.
Suno sa opisyal nga sa masobra 7 niya ka bulan nga pag-alagad bilang Regional Director, ini lang ang mga kontrobersiya nga gin-atubang sang kapulisan kag wala sang rason para mawad-an siya sang pagsalig sa bug-os nga PRO-6.
Pamatu-od sini ang dalayawon nga accomplishments sang PRO-6 sang tinalikdan nga tuig sa war on drugs kag sa iban nga anti-criminality operations.
