BACOLOD CITY – Gin-confirm sang branch manager sang PCSO-Negros Occidental nga si Manuel Villagracia nga sa SM City Bacolod gid man natay-an ang winning combinations nga 43-55-15-02-29-56 sang 6/58 ultra lotto nga may jackpot prize nga P58.4 million peos.
Suno kay Villagracia nga iya gin-verify ang report sa DATA Center sang PCSO Headquarters sa diin taga-Negros ang pinakalatest nga milyonaryo sa lotto.
Indi naman bilog nga P58.4 million pesos ang mabaton ang lotto winner bangud nga buhinan pa ini sang 20 porsyento nga tax samtang ang 1 percent ang maga-kadtu naman sa lotto outlet nga Lucky Circle Corporation sa SM City Bacolod.
Panugyag naman ni Villagracia nga dapat gamiton sang maayo sang ma-swerte nga lotto winner ang iya nga premyo, bangud nga base sa record sang PCSO, ‘7 out 10’, ukon pito sa napulo nga nagdaug sa lotto ang nagabalik nga ‘pigado’ bangud man sa’mismanagement’ sang ila nadag-an nga premyo.
