Nauwi sa tabla ang showdown ng Davao Aguilas FC at Stallion Laguna FC ngunit sapat na ito para umusad ang dalawang koponan sa semifinals ng Copa Paulino Alcantara ng Philippines Football League.
Parehong hindi naka-score ang mga taga-Davao at Laguna sa kanilang laro kahapon ngunit sapat na ang tig-isang puntos nila para malaglag ang 2018 league champion Ceres Negros FC.
Pasok din sa semifinals ang JPV Marikina FC matapos talunin, 2-1, ang Global Cebu FC.
Makakasama ng tatlong koponan ang Kaya FC Iloilo sa last four ng torneo.
Gaya ng Ceres, maaga ring magbabakasyon ang Global Cebu.
Facebook Comments
