Narestore han National Grid Corporation of the Philippines o kun NGCP an Ormoc High Voltage Direct Current HVDC Converter Station nga makakaghatag na hin power supply ha Luzon ngan ha Visayas.
Nakompleto an pag restore hini han NGCP Maintenenance team. Naguba man gud ini durante han magnitude 6.5 nga linog dida han bulan han Hulyo. Gintestingan na an mao nga pasilidad para makasigurado nga fully energized na ini.
Sumala han NGCP, medyo nadugayan an pag ayad hini kay pumalit pa hira hin mga ekipahe tikang ha iba nga nasud sugad nala han converter transformers ngan breakers.
Ginsisigurado naman yana han mao nga buhatan nga an mga lugar ha Eastern Visayas nga nakaka eksperyensya la gihapon hin rotational brown out in tatagan nira hin aksyon nga ig fully restored na an kuryente ha Leyte Samar area.
