Giila ang patay’ng lawas nga mao si Gregorio Caballo, 64 anyos, minyo, ug kusinero sa usa ka kan-anan sa Lanang ning dakbayan.
Subay sa blotter sa Bajada Police Station, usa ka Roderick Cruz ang nakadiskubre nga wala na’y kinabuhi si Caballo sulod sa girentahang kwarto bandang 5:50 sa hapon.
Segun ni Cruz nga wala mureply sa text ni sa tawag si Caballo sa miaging gabii ug pagkabuntag anang adlawa wa makaduty ang maong kusinero hinungdan nga giadtoan niini ang boarding house aron susihon ang kahimtang sa senior citizen.
Giingong pagsulod ni Cruz sa kwarto mao na lamang iyang nakita nga wala na’y kinabuhi ang naasoy nga kusinero.
Migawas sa imbestigasyon sa kapulisan nga dunay sakit nga hypertension ug giingong wala pa sab kini nakarekober gikan sa atake sa highblood nga balatian.
Walay nakitang foul play sa kamatayon ni Caballo diin ang patay’ng lawas gidala na sa Rivera Funeral homes.
RadyoMan Joel Viray
