Davao City – Nagpabiling blangko ang kabomberohan ug kapulisan sa pagkatawo sa biktimang naugdaw sa sunog sa Ferido St., Brgy. Mankilam, Tagum City, Davao del Norte tungod dili na kini mailhan ug wala pay niduol nga claimant.
Kahinumdoman nga niulbo ang sunog pasado alas onse sa buntag, bisperas sa bag-ong tuig, December 31, 2023.
Sa pagpanubay, giingong na-trap ang biktima sulod sa KTV bar tungod kini nakainom.
Sa impormasyong gipadala sa DXDC RMN Davao gikan kang PLTCOL Jeffrey Latayada, chief of police sa Tagum City PNP, nasayrang gilamoy sa kalayo ang 7 tanan ka mga tindahan, 1 ka motorsiklo, 1 ka SUV, ug 2 ka Elf Truck.
Hangtod karon, nagapadayon pa ang imbestigasyon sa otoridad.
RadyoMaN Ivy Parido
Facebook Comments
