Gulatac ZN – Patay nang nidangat sa balay tambalanan ang usa ka kuymi sa bulangan human naigo og bulang gikan sa manok gitarian atol sa gipahigayong, 4 cocks derby sa Gutalac Super Sports Arena didto sa may Brgy. Lux, lungsod sa Gutalac, dinhi sa lalawigan sa Zamboanga del Norte. Ang biktima giila sa kapolisan nga usa ka Dante Alumbro Apique, 40 anyos, minyo, kuymi sa bulangan ug mulupyo sa susamang dapit. Sa nakuhang report gikan sa Gutalac Municipal Police Station, nasayran nga atol sa Araw ng Gutalac nagpahigayon sila ug derby sa maong bulangan diin ang biktima nagsilbing kuymi sa mga manok gitarian. Sumala pa imbistigasyon sa kapolisan, nga atol sa usa ka sultada, nangalup-og na ang duha ka manok gitarian, gipunit matud pa sa biktima aron ipatusik apan tantong punit ug patusik sa mga manok, kalit lang nilabok ang usa niini kondiin ang bulang maoy nakaigo ug nitaop sa walang bitiis sa biktima. Ang nagkadugo nga biktima gidali ug hatud sa Liloy Disrict Hospital aron unta katambalan apan gideklarar nga dead on arrival sa niatimang doctor gumikan sa daghanan dugo ang nawala sa lawas niini.
