Kwarta o Gugma? Dili na kini bag-o nga pangutana apan kasagaran sa mga naglibog kung unsay pili-on, mu-ingon na lamang gayud nga “depende sa sitwasyon”. Daghan ang nag-ingon nga daw “dili magmalipayon ang tao maski unsa pa kasapi-an kung walay gugma” apan daghan na kita nadungog na mga istorya sa kinabuhi nga naguba ang relasyon tungod sa kawad-on kay lagi daw “lisud mabati ang gugma kung pirmi na lamang gutom ang imong hinigugma”.
Pebrero na usab, ang bulan matud pa sa tanang naghinigugmaay ug sa tanan nga adunay kasingkasing nga anaay kapas nga muhigugma. Ang pangutana, asa ka man karon sa duha;
taong adunay kwarta apan walay hinigugma
o
taong adunay hinigugma apan walay kwarta?
Ingon nila na pareho nga lisud pangitaon ang duha. Apan asa man sa duha ang mas lisud pangitaon? Kwarta o Gugma? Ang uban mu-ingon nga sayon ra sulbaron ang problema sa kwarta basta maabilidad lang ka. Tuod man, dili gapangita-on ang kwarta kundi gatrabahuon. Apan ang uban usab mu-ingon nga mas sayon sulbaron ang problema sa gugma basta kay maayo lang ka og batasan. Tuod man, mas sayon higugmaon ang taong walay kwarta kaysa sa taong walay batasan.
