*General Santos City— Hingpit ng milingkod si Col. Adonis Bajao isip bag-ong labaw sa 1002nd brigade human nga ma-promote ang kanhing labaw nga si BGen. Roberto Ancan nga kasamtangang labaw sa 1st Infantry Tabak Division nga nakabase sa Zamboanga Peninsula.*
*Pag-angkon ni Col. Bajao nga dakong hagit alang kaniya ang maong posisyon gumikan isip labaw kaniadto sa Joint Task Force Gensan counter terorism ang ilahang ginahimo apan sa 1002nd brigade lakip sa ilahang tutukan ang counter insurgency.*
*Pasabot nga lakip sa iyahang responsibilidad ang pagbatok sa rebeldeng New People’s Army kon NPA.*
*Samtang, dako ang kumpyansa ni BGen. Jose faustino jr., commanding officer sa 10th infantry division nga matupngan o malabwan ni Col. Bajao ang mga nahimo ni BGen. Ancan.*
*Dako matud pa ang iyahang pagsalig sa kapasidad ni Col. Bajao rason nga iya kampante sa mga mamahimong accomplishment niini isip bag-ong labaw sa 1002nd brigade.*
